Millosh Vuçeviç, ministri serb i Mbrojtjes, ka deklaruar se takimi i presidentit serb me kryeministrin kosovar në Ohër nuk do të jetë Dita D për Serbinë.
Takimi i 18 marsit po pritet me kërshëri gjithandej pas atij të 27 shkurtit kur kryediplomati europian Josep Borrell kishte thënë që palët ishin pajtuar me Propozimin Europian.
“Nuk ka ditë D, por ka shumë ditë të vështira dhe shumë biseda komplekse, negociata, diplomaci, mbrojtje të interesave shtetërore dhe kombëtare,” – u shpreh z. Vuçeviç.
Më tej, z. Vuçeviç është shprehur se Serbia asnjëherë nuk i është shmangur bisedimeve dhe se do të ishte gjithnjë mikpritëse për ndërmjetësuesin Mirollav Lajçak.
“Asociacioni i Komunave me Shumicë Serbe duhet të bëhet dhe pastaj mund të vazhdojmë e të diskutojmë për tema tjera, përveç njohjes së Pavarësisë së Kosovës dhe hyrjes së saj në OKB,” – u shpreh ministri serb.
nacionale
Discussion about this post