Presidenti i Tiranës Refik Halili përgëzoi lojtarët dhe trajneri Orges Shehi për paraqitjen edhe pse bardheblutë u eliminuan nga Kupa. Ai përdori gjuhë të ashpër ndaj gazetarit Gëzim Sinemati dhe personave që menduan se Tirana do të toleronte këtë ndeshje duke i quajtur “minj kanalesh”.
“ Kemi shumë gjëra për të thënë. Ishte një sakrificë dhe një lojë e pastër nga lojtarët. Më vjen keq për çunat, të cilët kishin premtuar për një paraqitje të mirë në këtë takim të kthimit që në momentin në humbëm ndeshjen e parë.
Dua të komplimentoj futbollistët dhe trajnerin për shpirtin e sakrificës dhe atë çfarë treguan sot në fushë, më vjen keq për eliminimin, por më vjen keq edhe për faktin që nuk kishte shumë tifozë në stadium, por aludimet se kjo ndeshje ishte e lënë nga ana jonë bënë të vetën.
Ata që thonë të tilla gjëra janë mij kanalesh, përfshirë edhe gazetarin Gëzim Sinemati, i cili ka shpifur ndaj Tiranës. Edvan Bakaj? Është një djal i mirë, një futbollist profesionist dhe Dinamo duhet tia dijë vlerën pasi ka në ekip një lojtar shembullor”, tha Halili.
Discussion about this post