Përballja me Laçin, Daja: Vetëm ne luajmë kështu

Këtë të shtunë do të rikthehen ndeshjet e Superligës, ku skuadrat do të përballen për javën e 9 të këtij kampionati.

Duke folur në konferencën për mediat në prag të sfidës me Laçin, trajneri i Partizanit, Ilir Daja është shprehur se e vlerëson kundërshtarin, por kërkon maksimumin nga djemtë e tij.

“Laçi vjen me një asnjë psikologjike të mirë, kanë fituar tre ndeshjet e fundit. Kanë bërë mirë, kanë shënuar më shumë se ne. Ata kanë probleme në mbrojtje, kanë pësuar më shumë se ne. Jemi ekipe rivale, qoftë edhe nga vjet që ishim pretendentë. Na del për detyrë të kemi vazhdimësi pas fitores me Kastriotin. Vetëm vazhdimësia mund ta na çojë aty ku kemi objektiv”.-u shpreh ai.

Ndërsa nuk ka lënë pa shfaqur pakënaqësinë ndaj Federatës Shqiptare të Futbollit për faktin se ndeshjet ishin shumë të shpeshta për ekipin e tij dhe të Laçit.

“Doja ta shmangia pjesën e stadiumit. E kam me organizatorët e Kupës. Duhet të vazhdojmë me dy data edhe në kampionat, shoh diferencim në dëm të Partizanit. Nëse i referohemi Kupës, prioritet është kampionati i kaluar. Vjet kemi qenë sipër, bashkë me Laçin. Ne luajmë për tre ditë, të tjerët kanë 4-5 apo pesë ditë dhe kanë kohë të rikuperohen. Nuk është pozitive, pasi duhet të jemi të barabartë me të tjerët. Presim të kemi mbështetjen e tifozëve tanë nesër, kemi nevojë dhe është gjë e mirë që u kthye në Tiranë”.-theksoi tekniku.

Më tej Daja ka dhënë një lajm të mirë për të gjithë mbështetësit e ‘Të kuqve’ të kryeqytetit, duke njoftuar se Alban Hoxha ka rinisur stërvitjen.

 “Cara nuk ka qenë 100 për qind, por nesër është gati pasi e ka kaluar problemin e fundit. Kaçe nuk është në gjendjen më të mirë fizike. E kemi parë në ndeshjet në Kupë dhe në miqësoren me Turbinën. Një kondicion i mirë i tij është vlerë e shtuar për ekipin. Nuk kemi Cardoso e Damcevski, që duan kohë të rikuperohen. Nesër kemi një kontingjent të mjaftueshëm për të përballuar ndeshjen. Alban Hoxha ka një frakturë në gishtin e dorës. Dje ka nisur ta prekë topin me duar, pasi e kishte të ndaluar. Do ndiqet në vazhdimësi gjendja e tij nga stafi mjekësor. Është kapiteni i ekipit dhe mungesa e tij është e rëndësishme, edhe pse Teqja ka bërë paraqitje të mira. Duhet të jetë afër grupit, pasi është kapiteni. E presim sa më shpejt të jetë me grupin”.-shtoi trajneri./K.T/Gijotina.com