Java e 9të e Superligës Shqiptare këtë fundjavë vuri përballë Vllazninë me Kastriotin, përballje kjo e fituar nga shkodranët me rezultatin 3-1.
Misioni i skuadrës së Brdariç ishte vetëm fitorja në këtë përballje pasi vinin nga një ‘krizë’ rezultatesh.
Shkodranët e nisën duke sulmuar që në momentet e para të këtij takimi, madje duke pretenduar edhe një 11 metërsh, pas një faulli të Grecës në dëm të Aralicës për shkodranët, por sistemi VAR lejon vazhdimin e lojës, me rrjetat që mbetën të paprekura edhe për një minutë, kur Aralica arrin të tundë rrjetën kundërshtare në minutën e 10’.
Minuta e 19’ sërisht do të çonte në këmbë ‘Loro Boriçin’ ku Ardit Hoxhaj do të shëninte me kokë, për të dyfishuar avantazhin. Momentet më pas do të silnin tesnione në fushë, ku Neziri dhe Latifi do të ndëshkoheshin me kartona të verdhë, me pjesën e parë që u mbyll me rezultatin 2-0 në favor të Vllaznisë.
Me fillimin e pjesës së dytë, Ardit Hoxhaj do të plotësonte dopietën e tij në këte takim, duke shënuar sërish në minutën e 56’ falë aksionit të nisur nga Hakaj, që i ‘dhuron’ topin Hoxhajt për këtë finalizmin.
Kastrioti do të kundërpërgjigjej në minutën e 78’ me golin e Ajazit, por ishin të pamundur për të bërë ndryshimin kundër skuadrës së Brdariç, që pas këtij triumfi, pozicionohet në vendin e tretë të renditjes së përgjithshme menjëherë pas Kukesit.
Discussion about this post