Kreu i Partisë së Lirisë, Ilir Meta, përsëriti ftesën e vazhdueshme të opozitës për debat politik me kundërshtarët. Sipas Metës, refuzimi i kësaj ftese nga kandidatët e Partisë Socialiste vjen sepse këta të fundit nuk mund të ballafaqohen për shkak të bilancit të qeverisjes së tyre.
I ftuar në emisionin Quo Vadis në Vizion Plus, Meta renditi disa nga aferat korruptive që ai pretendon se Erion Veliaj ka bërë gjatë qeverisjes së tij.
“Rezultati do të jetë fantastik. Nuk ka situatë më të rëndë, më të tmerrshme, më të turpshme në 4 viteve në këtë ky sistem monist vendor të Rilindjes, 100% të bashkive, 100% të Këshillave dhe një korrupsion absolut. Nuk kemi parë një mbledhje të Këshillit Bashkiak të Tiranës, sepse nuk po themi të Durrësit apo Sarandës, ku të diskutohet buxheti i bashkisë më të madhe të vendit, që është një buxhet 250 gati 300 milionë euro, nga mungesa e transparencës asnjë nuk shifra të sakta, në vit. Mi 1 miliardë euro padiskutim në 4 vjet, ku pisha vete 5 mijë e ca euro, palma vete 3 mijë e ca 4 mijë e ca euro, koncertet e vipave shkojnë me qindra mijëra euro”, theksoi Meta.
Lidhur me përballjen për bashkinë më të madhe të vendit, Meta shprehen se kandidati i koalicionit “Bashkë Fitojmë” është favorit dhe këtë e tregon në shumë raste dhe reagimi qytetar në rrjete sociale, që sipas Metës, hedh poshtë pretendimet e sondazheve të kreut aktual të Bashkisë Tiranë, Erion Veliajt.
Discussion about this post