Instagram po planifikon të lançojë një aplikacion për të konkurruar me Twitter dhe mund të debutojë në qershor, raportoi Bloomberg News të premten, duke cituar burime me njohuri për situatën.
Meta, kompania mëmë e Facebook, po teston produktin në bashkëpunim me influencues dhe disa krijues, sipas publikimit.
Aplikacioni ka kontaktuar agjencitë e talenteve dhe të famshëm për të “matur” interesin e tyre për të testuar një version të hershëm të aplikacionit, i cili do të integrohet me Instagramin, tha në një buletin Alex Heath, një reporter për Verge.
Aplikacioni, i cili do të jetë i ndarë nga Instagrami, por do t’i lejojë përdoruesit të lidhin llogaritë, mund të debutojë në qershor, sipas Leah Haberman, një profesore marketingu në UCLA.
Discussion about this post