Tjetër dënim për trajnerin portugez të Romës, Jose Mourinho dhe vetë klubin italian. Gjykata Federale Kombëtare ka dhënë vendimin për trajnerin dhe klubin verdhekuq për akuzat e luzitanit ndaj gjyqtarit Daniele Chiffi (gjatë duelit të 3 majit mes Romës dhe Monzas).
“Special One” është pezulluar për 10 takime, me nisjen e sezonit të ri, çka do të thotë se nuk do të jetë në stolin e verdhekuqve në dy takimet e para të Serisë A për sezonin 2023-2024.
Gjykata Kombëtare Federale, e kryesuar nga Carlo Sica, e dënoi Mourinhon gjithashtu me 50 mijë euro gjobë.
Për më tepër, ky institucion i ka vendosur gjobë po në shumën 50 mijë euro edhe Romës.
Discussion about this post