Skuadra shqiptare, Deçiçi nga Tuzi, ka shënuar fitore të madhe me rezultat 1:0 ndaj Sutjeskës së Nikshiqit, në ndeshjen e të tetës së finales së Kupës së Malit Zi.
Deçiqi është kualifikuar në çerekfinale, duke eliminuar fituesin e Kupës së Malit të Zi për edicionin e kaluar.
Futbollisti Drashko Bozhoviç është autor i golit të fitores, duke shënuar në minutën e 43-të.
“Nikshiqasit i dhanë lamtumirën trofeut të fituar në maj dhe Deçiç i rrëzoi nga froni.
Në ‘DG Arena’ në Podgoricë, tuzjanët iu hakmorën Sutjeskës për eliminimin në gjysmëfinale të sezonit të kaluar.
Vendosi goli i Drashko Bozhoviç, i cili goditi fortë nga gjuajtja e lirë në minutën e 43-të”, shkruan mes të tjera media malazeze “Vijesti.
Discussion about this post