Suella Braverman, Sekretarja e Brendshme e Britanisë së Madhe, shumë e njohur për publikun shqiptar e jo vetëm, e ka përshkruar ushtrinë mercenare private të Yevgeny Prigozhin si “të dhunshme dhe shkatërruese”, duke vepruar “si një mjet ushtarak i Rusisë së Vladimir Putinit jashtë vendit”, pas vendimit të Britanisë për të caktuar Wagnerin një organizatë terroriste.
Ndërkohë, Qeveria ruse nga ana e saj thotë se kompania famëkeqe nuk ekziston nga pikëpamja juridike. “Nuk ka asgjë për të komentuar.
Ndoshta dikush mund të shtojë se, nga pikëpamja juridike, nuk ekziston një organizatë e tillë,” tha zëdhënësi i Kremlinit Dmitry Peskov, raportojnë mediat e huaja.
Siria, Libia dhe shumë vende në Afrikë janë fusha veprimi për ëagnerin, i cili ka rekrutuar mijëra të burgosur kriminalë nga burgjet ruse për të luftuar në Ukrainë.
Pas rebelimit të shkurtër kundër udhëheqjes ushtarake ruse dhe rrëzimit të avionit që vrau liderin e organizatës Yevgeny Prigozhin dhe komandantin e saj Dmitry Utkin, ajo që ka mbetur nga Wagner është tani në Bjellorusi dhe nuk është e qartë se çfarë do të ndodhë me shërbimet e sigurisë në shumë vende afrikane si Mali dhe Republika e Afrikës Qendrore.
Discussion about this post