Ndeshjet e javës së 5-të të Kategorisë së Parë kanë treguar se cilat do të jenë skuadrat pretendente që do të rivalizojnë për ngjitjen në Superiore në këtë edicion.
Kreun vazhdojnë ta ndajnë Elbasani dhe Bylisi, të cilat kanë fituar minimalisht ndeshjet përkatëse. Elbasanasit kanë mundur me shifrat 1-0 Besën në transfertë, falë një goli të pjesës së parë të Lleshit.
Kurse Bylis ka dominuar përballë Korabit, ka humbur një penallti me Eminin në pjesën e parë, teksa e ka gjetur golin e fitores me Trumçin në fraksionin e dytë të lojës.
Ndërkaq, fitore të thella kanë gjetur skuadrat që ndjekin më pas në renditje, duke filluar nga Viora që ka mundur 5-1 Tomorin, Flamurtari që ka mundur 4-0 Lushnjen dhe Apolonia me shifrat 3-0 Burrelin.
Discussion about this post