Champions League, Zeniti bën mrekullinë dhe i ‘dhuron’ Juventusit vendin e parë në grup

Kanë përfunduar takimet e para të kësaj mbrëmje në UEFA Champions League, ku në fushë zbritën çiftet Juventus – Malmo dhe Zenit – Chelsea.

Të besuarit e Allegrit e bënë detyrën, duke fituar me rezultatin 1-0 ndaj Malmos në ‘Allianz Arena’. Suksesi i ‘Zonjës së Vjetër’ u vendos nga goli i Kean në minutën e 18’, fitore kjo që i dhuroi tre pikët e plota nga kjo përballje, duke e përfunduar këtë garë në vendin e parë në grup.

Chelsea udhëtoi në transfertë për tu përballur me Zenitin, në sfidën që i mbajti të gjithë të ‘gozhduar’ në ndjekje të saj deri në momentet e fundit.

Miqte anglezë kaluan të parët në avantazh me golin e Timo Werner që në minutën e 2’, por Zeniti do të tregonte se ishte ‘zot’ në shtëpinë e tij, duke shënuar në minutat 38’ dhe 41’ duke i mbyllur shifrat e pjesës së parë në  2-1.

Formacioni i Tuchel do të reagonte me Lukakun në minutën e 62’, që shënon për të rikthyer barazpeshën në fushë, me Zenitin që ishte në gjëndje ta mbante këtë rezultat deri në minutat e fundit.

Timo Werner do të shënonte sërish, duke realizuar dopietën e tij personale në këtë përballje, por Zenit do të reagonte sërish në minutat shtesë, duke shënuar golin e barazimit 3-3, rezultat ky që e zbriti Chelsean nga kreu i grupit, për tja dhuruar Juventusit me 15 pikë.