Jo më kot është i 14-ti, në listën për anësorët më premtues, të krahut të majtë në mbrojtje.
“Zbulimi” i teknikut Sylvinho, Mario Mitaj, ishte mes më të mirëve, në raportin mujor për lojtarët e grupmoshave të vitit 2003 ose më vonë, të observatorit të futbollit, “CIES”, vlerësim ky, për një lojtar, i cili premton shumë.
Duket se për këtë listë në dijeni janë edhe “gjigantët” kroatë, të Dinamo Zagreb, të cilët kërkojnë me ngulm shërbimet e 20-vjeçarit, në këtë merkato janari, teksa prej kohësh vuajnë për një lojtar cilësor, në këtë repart të fushës e duket se prodhimi i akademisë së AEK Athens është i duhuri për ta.
Për kartonin e Mitaj, rekordmenët e futbollit kroat janë të gatshëm të ofrojnë 4 milionë euro, mirëpo rusët e Lokomotiva Moska kanë diçka tjetër në mendje, teksa e kanë refuzuar ofertën e parë të “Bluve” fqinjë dhe kërkojnë për 7 milionë euro për djaloshin shqiptar, i cili vetëm verën e kaluar u transferua nga grekët e AEK për shifrën e 3 milionë eurove.
Discussion about this post