Ish-kampioni i boksit, fitues i medaljes së artë në Lojërat Olimpike në Los Angeles 1984, kampion i botës në WBO dhe kampion i boksit profesionist në Europë, Maurizio Stecca është shtruar në spital, në Treviso pas infektimit me Covid-19.
58-vjeçari ndodhet në një pavion mjekësor të spitalit ‘Ca Foncello’ ku po trajtohet për virusin vdekjeprurës.
Stecca ka qenë prej disa kohësh banues në Veneto, në Casale sul Sile (Treviso), ndërsa ai e ka bërë vetë me dije lajmin e shtrimit në spital në një reagim në rrjetet sociale.
“Kam nisur ndeshjen më të vështirë të jetës sime kundër një kundërshtari të quajtur Covid. Nuk e di se sa goditje do të duhen, por sigurisht që nuk do të tërhiqem”,-ka shkruar ish-boksieri i cili shfaqej me një maskë oksigjeni në fytyrë.
Stecca kishte treguar më parë se kishte marrë dy doza të vaksinës dhe ishte duke pritur për të tretën./K.T/Gijotina.com
Discussion about this post