Gjykata e Posaçme ka vendosur që çështjen në ngarkim të deputetit demokrat Asllan Dogjani, i cili akuzohet për fshehje dhe mosdeklarim pasurie, ta kthejë për hetim në SPAK.
GJKKO i ka lënë afat dy muaj SPAK për plotësimin e hetimeve.
Pas kthimit të dosjes, pritet që prokuroria të mbledhë më shumë prova dhe të hetojë detajet e reja për të sqaruar situatën ligjore të deputetit.
Deputeti Dogjani u shpreh se Gjykata e Posaçme riktheu për hetim çështjen në ngarkim të tij, duke e cilësuar si triumf të drejtësisë.
Periudhën e kaluar ai e cilëson të vështirë, jo vetëm për të, ndërsa ky vendim i marrë këtë të premte sipas tij, tregon edhe fundin e Edi Ramës.
“E kanë kthyer edhe njëherë çështjen për hetim, sepse nuk është bërë i plotë. Tregon që triumfon drejtësia. Unë kam patur një periudhë shumë të vështirë, jo vetëm vetë, por edhe familja ime. Njerëzit të cilët më kanë ndjekur, i falënderoj të gjithë.Sot ka fituar drejtësia, është fundi i Edi Ramës. Sepse edhe këta prokurorë e gjyqtarë, kanë filuar ta kuptojnë sepse nesër, do të zëvendësohen nga Edi Rama nga 100 mijë palestinezë, bangadeshas apo emigrantë të ardhur nga vende të tjera. Nëse do të vazhdojë ky njeri, këtu nuk do të flitet më shqip, sepse këtu do të hikoni sesi sjell 25 mijë ton mbetje toksike.
E ka kthyer Shqipërinë në një vend mbeturinash. Ky është fundi i Edi Ramës dhe kjo është fitorja dhe triumfi i drejtësisë”, tha Dogjani pas daljes nga ambientet e GJKKO.
Discussion about this post