Iu bë atentat në Shkodër, 34- vjeçari ndalohet te “Trauma” për vrasjen në Mal të Zi

Vinçens Piroli, 34- vjeçari i cili u plagos mbrëmjen e djeshme në Shkodër është nën akuzë për vrasje.

Ai do të mbikëqyret nga forcat e policisë në spitalin e Traumës, pasi ndaj tij pritet të vendoset masa e arrestit për vrasjen e 4 korrikut në Mal të Zi pasi ndodhej në kërkim ndërkombëtar.

Nga mbledhja e provave dhe materialeve por edhe dëshmive, akuza ndaj 34-vjeçarit pritet të rëndohet edhe në lidhje me ngjarjen e mbrëmshme, pasi ka dyshime të arsyeshme se ka patur tentativa nga ana e tij për të fshehur dhe manipuluar ngjarjen.

Aktualisht ai ndodhet në Spitalin e Traumës për mjekim të specializuar, pas marrjes së ndihmës së parë në spitalin rajonal të Lezhës.