Policia e Kosovës është njoftuar nga KFOR-i amerikan se në fshatin Banjskë të veriut të Mitrovicës, në një mulli të vjetër (të braktisur) kishin hasur në mjete të dyshimta. Njësitë policore menjëherë kanë reaguar në lidhje me këtë rast ku më pas kanë konfiskuar mjetet e dyshimta.
Sipas Policisë, aty janë gjetur dhe konfiskuar, uniforma ushtarake, tri gjoksore për mbajtje të armatimit, një palë pantallona, tri jelekë, një bluzë, tri granata dore, tre karikator të zbrazët të armës së gjatë, dy shok bomba, një bombe ndriçuese, 28 fishekë të armës së gjatë, raporton KosovaPress.
“Në vendin e ngjarjes kanë dal të gjitha njësitë relevante policore. Të gjitha veprimet e ndërmarra i janë paraqitur Prokurorit të Shtetit, i cili ka urdhëruar inicimin e rastit ‘’Mbajtja në pronësi, kontroll ose posedim i pa autorizuar të armëve’’. Rasti nën hetime”, thuhet në njoftim.
Discussion about this post