Zjarri masiv që ka rënë në rajonin e Finiqit vazhdon të jetë jashtë kontrollit, duke shkaktuar dëme serioze në fshatin Leshnicë e Poshtme dhe duke kërcënuar Leshnicën e Sipërme. Raportohet se flakët, të cilat filluan një javë më parë në Dhivër të Delvinës, kanë djegur tashmë disa banesa në Leshnicë, ndërsa banorët janë evakuuar në kohë, pa pasur fatkeqësisht asnjë të lënduar.
Situata është përkeqësuar ndjeshëm nga erërat e forta, të cilat po ndihmojnë në përhapjen e shpejtë të zjarrit në terrene të vështira, duke e bërë të pamundur kontrollin e tij vetëm nga toka. Forcat zjarrfikëse dhe autoritetet në terren po punojnë pa pushim, por terreni i thyer po e vështirëson ndjeshëm punën e tyre.
Përballë rrezikut, në mbështetje të forcave në terren është dërguar një helikopter i Forcës Ajrore Shqiptare. Gjithashtu, një avion specializuar kroat i tipit Canadair po ndihmon në operacionet e shuarjes, duke hedhur ujë mbi vatrat kryesore të zjarrit. Kjo mbështetje nga ajri konsiderohet vendimtare për të parandaluar përhapjen e mëtejshme të flakëve dhe për të mbrojtur banesat që janë ende në rrezik.
Discussion about this post