Shqipëria nis këtë të shtunë aventurën e saj në Nations League, me një sfidë të rëndësishme përballë Bjellorusisë.
Pak orë para startit të ndeshjes, rreth 14 mijë bileta janë shitur për përballjen që do të zhvillohet në “Air Albania”.
Interesi i tifozëve kuqezi pritet të rritet edhe më shumë në orët para ndeshjes.
Stadiumi pritet të ketë një atmosferë të zjarrtë, me mbështetësit shqiptarë që do të jenë në krah të Kombëtares.
Tifozët kuqezi synojnë të krijojnë edhe një herë atmosferën karakteristike në shkallët e stadiumit.
Në këtë edicion të Nations League, Shqipëria është pjesë e një grupi ku bëjnë pjesë edhe Finlanda dhe San Marino.
Kuqezinjtë e drejtuar nga Maran e kanë të qartë objektivin për këtë fushatë.
Synimi është i qartë: Shqipëria kërkon të mbyllë grupin në vendin e parë.
Përballja me Bjellorusinë do të jetë hapi i parë drejt këtij objektivi.
Pritshmëritë janë të larta, ndërsa mbështetja nga tribuna pritet të jetë një faktor i rëndësishëm.
“Air Albania” bëhet gati të vishet kuqezi dhe të presë rikthimin e emocioneve të Kombëtares.
Tashmë mbetet vetëm bilbili i parë për të nisur aventura e Shqipërisë në Nations League.
Discussion about this post