Konkurrentja e “Për’puthen”, Efi, është surprizuar dje nga të gjithë pasi festoi ditëlindjen.
Në puntatën e fundit të emisionit të dashurisë, u pa se si Mikela kishte përgatitur një buqetë të madhe me lule dhe u shpreh me fat që në program ka njohur një mike si Efi.
“Jam shumë e lumtur që të kam njohur”, i kishte shkruar ajo në busullë, ndërsa tha se përveç dashurisë, për të cilën ka hyrë në “Për’puthen”, ka gjetur dhe një shoqe shumë të mirë.
Por jo vetëm kaq, pasi në regji hyri rastësisht moderatori i njohur, Edi Manushi, që në mikrofon e uroi për ditëlindjen. Ndërsa Bora Zemani u shpreh se moderatori ka ftuar shumë vajza në emisionin e tij, duke nënkuptuar se një ftesë e tillë mund të vijë dhe për Efin.
Ndërsa Samiu, djali me të cilin konkurrentja po vazhdon njohjen, hyri në studio me një arush gjigant të kuq, si dhuratë për të.
Efi i ka pritur të gjitha këto surpriza me një buzëqeshje shumë të madhe, përveç dhuratës së Mevlanit të cilën ajo e la në krahët e Arjanit.
Mevlani i sjell konkurrentes lule i penduar dhe i kërkon falje për sjelljen ofenduese që mund të ketë pasur kundrejt saj, por Efi nuk mund t’i pranonte dot.
“Unë e falenderoj Mevlanin shumë, por unë mendoj që një njeri që të jep ndjesinë e mërzitjes nuk mund ta rregullojë pastaj duke u munduar të japi një ndjesi lumturie. Meqë ka shkruajtur më fal me të mëdha, thjesht nuk e fal”, tha Efi.
Kujtojmë se, Mevlani dhe Efi kanë pasur shumë takime me njëri-tjetrin në “Për’puthen” por kjo njohje nuk zgjati shumë .
View this post on Instagram
Discussion about this post