Dëshmi të tjera rrëqethëse kanë dalë për tragjedinë në Teksas ku u gjetën të vdekur brenda një kamioni 53 emigrantë, shkak për të cilët u bë nxehtësia e lartë. Shoferi ka dëshmuar se ai nuk e dinte që kondicioneri nuk po punonte. Sipas dokumenteve të prokurorisë të paraqitura në gjykatën federale, Homero Zamorano nuk dinte për këtë çështje. Zyrtarët thonë se ai u gjet i fshehur pranë kamionit. Ai është një nga katër personat e akuzuar për ngjarjen vdekjeprurës të trafikimit të qenieve njerëzore në historinë e SHBA. Disa fëmijë të gjetur në automjet janë ende duke u trajtuar në spital, raporton BBC.
Një kamion tjetër që transportonte emigrantë është gjetur në të njëjtën pjesë të Teksasit. Zamorano, 45 vjeç, dhe i dyshuari Christian Martínez, 28 vjeç, akuzohen se i kanë dërguar mesazhe njëri-tjetrit në lidhje me operacionin e kontrabandës, para dhe pas zbulimit të kamionit në temperatura të larta. Martínez dyshohet se i tha informatorit: “Shoferi nuk ishte në dijeni se njësia e ajrit të kondicionuar ndaloi së punuari dhe ishte arsyeja pse emigrantët vdiqën”, sipas dokumenteve të gjykatës. Zamorano u gjet i fshehur në shkurre pranë kamionit. Zyrtarët meksikanë thonë se ai fillimisht u përpoq të shtirej si një nga të mbijetuarit.
Discussion about this post