Partia Demokratike dhe shoqëria civile kanë thirrur një protestë në datën 7 korrik, ora 19:00, në bulevardin Dëshmorët e Kombit, para Kryeministrisë, kundër atij që e konsiderojnë si regjimi i Edi Ramës.
Prej ditësh strukturat e PD-së, të ndara sipas grupeve të punës, po punojnë në terren për organizimin e protestës, që për nga pritshmëritë, pritet të ketë një numër të konsiderueshëm pjesëmarrësish.
PD ka publikuar pothuajse çdo ditë arsyet sepse shqiptarët duhet të protestojnë, duke iu referuar jo vetëm çmimeve të larta, më të lartat në Europë për disa nga artikujt kryesorë, në raport me të ardhurat, por edhe me shkeljen e të drejtave të njeriut, abuzimin e Qeverisë, varfërimin dhe korrupsionin.
Ndërkohë deputeti Belind Këlliçi në një postim në rrjet shprehet se sot shqiptarët kanë pagat më të ulëta në rajon dhe kjo është një arsye më shumë pse duhet të protestojnë. Në fakt, prej vitit 2013, pagat e shqiptarëve nuk kanë pësuar asnjë rritje, madje as sa niveli i inflacionit në vend.
“Shqipëria me pagën mesatare më të ulët në Ballkan por me çmimet më të larta. Mos bëj sehir!
Eja protesto!”.
Discussion about this post