Bizhuteri dhe ora me vlerë rreth 3 milionë euro, 10,000 euro kesh, iu vodhën disa javë më parë mesfushorit italian të PSG-së, Marco Verratti dhe ish-sulmuesit brazilian Ronaldo Nazário. Dy autorët që mendohet se i përkasin një grupi të organizuar të vjedhjes së shtëpive dhe vilave (njëri shqiptar dhe tjetri spanjoll) janë lënë të lirë pasi Gjykata e Alicantes ka pranuar ankesën e paraqitur nga mbrojtja e të dy të pandehurve, ku avokati denonconte se gjyqtari i çështjes kishte shkelur të drejtat e klientëve të tij, duke mos e informuar atë për veprimet që garantonin të drejtën e mbrojtjes së të paraburgosurve.
Të dy të arrestuarit kanë kaluar rreth njëzet ditë në paraburgim dhe tashmë janë të lirë me vendim të Gjykatës. Dy të akuzuarit ishin të vetmit anëtarë të bandës që ishin në burg që nga arrestimi i tyre në fund të qershorit të kaluar. Katër të tjerë të implikuar u liruan pas arrestimit të tyre në Costa del Sol.
Në këtë mënyrë gjykata konkludon se është shkelur e drejta për mbrojtje efektive gjyqësore duke ndaj ka urdhëruar që të anulohet masa arrest me burg, shkruajnë mediat spanjolle. Banda ku bëjnë pjesë shqiptari me spanjollen akuzohen për gati 20 vjedhje.
Discussion about this post