Pas largimit të Dorjan Bubeqit nga rradhët e Erzenit, skuadra shijakase po punon me shpejtësi që të arrijë akordin me trajnerin e ri.
Me shumë gjasa trajneri i ri i skuadrës së Erzenit pritet të jetë Nevil Dede.
Ish-trajneri i Tiranës, do të ishte i gatshëm të ulej në pankinën e skuadrës që militon në Kategorinë e Parë, nga ku është i papunë që në 25 janar pas eksperiencës me bardheblutë dhe ndarjes së papritur përpara fillimit të ndeshjes ndaj Laçit në kampionat.
Më parë Dede ka qenë trajner edhe i Laçit, Luftëtarit, Kastriotit dhe i Kombëtares U-19.
