Skëndër Omeri 69- vjeçari që falsifikoi dokumentet për të blerë një truall 4950 m2 në bregdetin e Ksamilit, është lënë në masën e sigurisë “arrest në shtëpi”.
Mësohet se seanca për Omerin është zhvilluar në orën 14:00.
Gjatë seancës prokurori Kledian Llaho ka kërkuar lënien në ‘Arrest me burg’ të Omerit, duke qenë se pyetjes në lidhje me falsifikimin e dokumenteve i është përgjigjur: Nuk mbaj mend asgjë.
Ndërsa avokati ka kërkuar një masë më të lehtë sigurimi për shkak të moshës, gjë që është pranuar Gjyqtari Alban Veçani, i cili e la Omerin me masën e sigurisë “Arrest në shtëpi”. Omeri akuzohet për falsifikim dokumentesh në formën e përdorimit dhe me pasoja të rënda lidhur me një truall 4950 m2 në bregdetin e Ksamilit të cilin ka tentuar ta regjistrojë në ASHK Sarandë.
Discussion about this post