Presidenti i Serbisë Aleksandar Vuçiç ka deklaruar se mënyra më e mirë për të qetësuar tensionet në veri të Kosovës, është lirimi i të gjithë serbëve të arrestuar.
Pas një takimi të Këshillit të Sigurisë Kombëtare, Vuçiç u shpreh se serbët e Kosovës nuk duhet të përfshihen në dhunë kundër trupave të NATO-s dhe anëtarëve të misionit të Bashkimit Evropian atje.
“Askush, në asnjë rrethanë, nuk duhet të marrë pjesë në sulmet ndaj EULEX-it dhe KFOR-it”, tha Vuçiç.
Ai më tej shtoi se Beogradi po kërkon që të minimizojë situatën e tensionuar në Kosovë.
Discussion about this post