Pasi Princi Harry zbuloi se kishte vrarë 25 talebanë në Afganistan, e menjëhershme ka qenë kundërpërgjigja e udhëheqësit të tyre të lartë. Ai u shpreh se personat e ekzekutuar nuk ishin pjesë shahu, por njerëz.
Në kujtimet e publikuara në librin e tij ‘Spare’ , Harry shkroi se kishte vrarë 25 talebanë, të cilët i kishte cilësuar si “gurë shahu”, teksa shërbente në vijën e frontit si bashkë-pilot i një helikopteri Apache.
Në përgjigje të pretendimeve të diskutueshme të princit, komandanti i talebanëve Anas Haqqani shkroi në Twitter: “Zoti Harry! Ata që vratë nuk ishin gurë shahu, ata ishin njerëz, ata kishin familje që prisnin kthimin e tyre.
Në librin e shumëpritur, princi pretendonte se kishte qëlluar për vdekje 25 luftëtarë, duke shtuar se ai nuk i mendonte ata si “njerëz” ndërsa mbante armën.
Discussion about this post