Një aksident tragjik ka ndodhur në provincën Jiangxi në Kinën Lindore. Sipas mediave vendase, një kamion është përplasur me kortezhin e një funerali. Për pasojë humbën jetën 19 persona dhe u plagosën 22 të tjerë.
“Aksidenti shkaktoi 19 vdekje, 22 persona u plagosën, të lënduarit janë dërguar në spital”, njoftoi transmetuesi shtetëror CCTV, duke cituar autoritetet lokale.
Të plagosurit janë dërguar në spital për ndihmë mjekësore. Sipas autoriteteve lokale po hetohet për shkaqet e aksidentit.
Discussion about this post