Kastrioti Dermaku është zyrtarisht futbollist i Lecce. Qendërmbrojtësi i kombëtares shqiptare ishte huazuar aty nga Parma, ndërkohë që tani Lecce njofton se kanë nënshkruar me ta për 3 vite.
Në komunikatën për mediat nuk thuhet nëse kanë paguar për kartonin e Dermakut te Parma. Qendërmbrojtësi shtatlartë tani është i qetë për të ardhmen dhe mendon vetëm të luajë.
Sezonin e shkuar me Leccen u aktivizua në 13 ndeshje (9 titullar) dhe shënoi një gol në Serie B. Fati nuk ishte me të, pasi kaloi disa dëmtime që e penalizuan.
Dermaku në Itali e ka nisur me Melfi në Serie D, për të luajtur më pas në C me Pavia e Lucchese, kurse me Empolin dhe Cozenzan ka luajtur në B.
