Ish-deputeti Kastriot Islami ka hedhur sot akzua të forta ndaj kryeministrit Edi Rama, duke deklaruar se ai është bërë pjesë e një marrëveshje të fshehtë për krijimin e “Serbisë së madhe”, në mënyrë që të forcojë karrigen e tij.
Islami tha se, Open Balkan ështe pjesë e këtij plani, të luftojnë kundër Kosovës për të knaqur Serbinë. “Rama me Zaev dhe Vuçiçin, kanë bërë tre përpjekje që janë e njëjta gjë, pra, minishengeni, ndryshim i kufijve dhe Open Ballkan. Këto nisma janë me prejardhje nga Beogradi për të krijuar Serbinë e Madhe. Rama e mbështet sepse do që të forcojë karrigen e tij. Unë jam shumë i shqetësuar për situatën në Kosovë, edhe pse janë forcat e NATO-s aty. Ka një rrezik që veriu i Kosovës të shkëputet, ngjashëm me Krimenë.
Kjo situatë mund të çojë në trazira dhe ndarje edhe në Malin e Zi, ku ka serbë. Rama është bërë pjesë e këtij projekti, është bërë pis. Rama ka luajtur një rol në këtë proces. Ai është futur përmes këtij projekti, që është një projekti të gabuar. Gjermania e ka thënë se procesi i duhur është ai i Berlinit. Qëllimi është që të krijohet Serbia e Madhe. Rama është vetegënjyer se mund të prishet kufiri me Kosovën, por sot e mohoi se mërziten ndërkombëtaret”, u shpreh ai.
Përmes një interviste televizive ai tha se, duke u bërë palë me Serbinë, Rama po lufton edhe kundër Merkel, pra po çojnë Ballkanin larg BE dhe të përqendruar në duart e Serbisë.
“Rama dhe Vuçiç merren vesh në mënyrë tinëzare. Presidenti serb ka lobe të mëdha serbe me vete dhe i intereson që Rama ka anashkaluar Kosovën, sepse ne si vend nuk kemi kufi me Serbinë. Rama duhet të linte Kosovën, por ai ka përcaktuar si vëlla Vuçiçin. Rama është në një lidhje sekrete dhe tradhtia e në kurriz të Kosovës e stabilitetit të Ballkanit, me presidentin serb. Kjo qëndron edhe kundër qëndrimit të Merkelit dhe Gjermanisë, sepse ata janë kundër shteteve të mëdha në Ballkan, pasi do të hapte sërish konflikte”, tha Islami.
