Trajneri i kombëtares Edi Reja nuk preferon të grumbullojë lojtarë nga kampionati vendas teksa mesa duket nuk është i vetmi. Të njëjtën gjë ka bërë edhe trajneri i Polonisë, Paulo Sousa i cili ka theksuar se preferon lojtarët që luajnë jashtë.
“Unë përsëris gjithmonë të njëjtën përgjigje. Shumica e lojtarëve luajnë jashtë Polonisë. Kam parë shumë ndeshje në vend kur fillova punën sepse nuk mund të udhëtoja si tani. Ka mjaft njerëz në stafin tim për të ndjekur ndeshjet në të gjithë botën dhe lojtarët që kanë një shans për të luajtur për ekipin kombëtar. Unë pashë të gjitha ndeshjet që mund t’i shikoja drejtpërdrejt. Nuk mund të jem kudo. Ne kemi kapacitetin teknik për të qenë të azhornuar me lojën e të gjithë lojtarëve që mund të ndihmojnë ekipin tani dhe në të ardhmen”, ishin fjalët e Paulo Sousa.
