Dëmtimi i Mike Maignan e ka vënë me ‘shpatulla pas murit’ klubin e Milan, i cili tashmë ka në dispozicion për portën vetëm Ciprian Tatarusanus, pasi edhe portieri i tretë, Pizzari është po ashtu i dëmtuar.
Gjendur në një situatë të tillë me vetëm një gardian në dispozicion ‘Kuqezinjtë’ e Italisë kanë para për dikë tjetër dhe sipas ‘Sky Sport’ lojtari i zgjedhur është Antonio Mirante. Ish-gardiani i Romës, tani në moshën 38-vjeçare do t’iu nënshtrohet të gjitha vizitave mjekësore para se të nënshkruajë kontratën.
Kjo kontratë do të jetë deri në përfundim të sezonit dhe me një vit rinovim në bazë të performancës së tij.
Rikujtojmë se Mirante ka luajtur në plot 368 ndeshje të Seria A dhe ka qenë pjesë e Parmës, Bolognas, Crotones, Sampdorias, Sienas dhe Juventus, ndërsa që prej 1 korrikut, kohë kur e mbylli me Romën është pa skuadër.
Teksa kjo urgjencë ka ardhur pas dëmtimit që Maignan mori në kyçin e dorës pasi priti një penallti të Salah më 15 shtator në ndeshjen e luajtur kundër Liverpool në ‘Anfield’./K.T/Gijotina.com
