Universiteti i Korçës vijon të mos respektojë masat e vendosura ministria, në të cilat urdhërohej se do të lejohen në auditorë, vetëm studentët e vaksinuar. Si duket, frika se këta të fundit do t’i braktisnin klasat, i ka detyruar drejtuesit e këtij institucioni arsimor, të mendohen sërish për rregullat që vendosen. Sipas tyre, bëhet fjalë për një autonomi, në të cilën nuk do të penalizohen studentët e pavaksinuar, por do të lejohen të marrin pjesë në orët e leksioneve. Ministria njoftonte se studentët, në të kundërt duhet të dokumentojnë me anë të një testi, që nuk janë të prekur nga Covid-19. Sërish as kjo gjë nuk po ndodh, pasi për studentët kjo është një kosto e papërballueshme.
Fushata e vaksinimit nuk dha asnjë efekt, ku numri i të vaksinuarve është 37 studentë, nga 3500 që ka gjithë universiteti. Drejtuesit, nuk japin asnjë shifër konkrete për të vaksinuarit, pasi numri i tyre është shumë i ulët.
Por çfarë do të ndodhë nëse një student konfirmohet pozitiv, madje dhe infekton bashkëmoshatarët?
Nga informacionet e marra, bëhet me dije se për të gjithë ata studentë, do të ketë penalizime dhe do të merren masa.
