Sot në orën 19:45 do të zhvillohet ndeshja më e rëndësishme e javës së gjashtë të Superligës, derbi midis Tiranës dhe Partizanit.
E ndërsa na ndajnë disa orë nga kjo sfidë mësohet se një prej sulmuesve më të mirë të kampionatit shqiptar, Redon Xhixha nuk do të jetë pjesë e formacionit startues.
Ndonëse në këtë fillim sezoni Xhixha ka shënuar plot pesë gola dhe ka treguar se është ‘i frikshëm’ kur i afrohet portës së kundërshtarëve, trajneri Orges Shehi ka zgjedhur që ta lërë në stol.
Rikujtojmë se 23-vjeçari ishte një nga afrimet e merkatos së verës nga Laçi te klubi ‘Bardheblu’ dhe ka rezultuar shumë produktiv.
Aktualisht Tirana ndodhet në krye të tabelës së Superligës me pikë të barabarta me Teutën e vendit të dytë dhe fitorja e sotme do ishte një plus për vazhdimësinë./K.T/Gijotina.com
