Në orën 16:45 do të zhvillohen ndeshja e javës së shtatë për skuadrën e Vllaznisë, e cila do presë në ‘Loro Boriçi’ ekipin e Tiranës.
Përpara fillimit të kësaj sfide klubi shkodran ka bërë një njoftim të rëndësishëm që lidhet me ngjarje të përsëritura në historinë e përballjeve mes tyre ose në të ashtuquajturën ‘Klasikja’ e Shqipërisë.
Në një postim në rrjetet sociale ‘Kuqeblutë’ njoftojnë se kanë vënë në dijeni Federatën Shqiptare të futbollit në lidhje me sjellje aspak të hijshme të tifo-grupit ‘Bardheblu’ të kryeqytetit ‘Tirona Fanatics’.
“Konstatohet se grupimi “Tirona Fanatics” përmes faqes së tij zyrtare, në njoftimin dhe përgatitjen e tifozërisë tiranase për të marrë pjesë në këtë takim, ka lëshuar fyerje të cilat nxisin dhunë dhe janë të papranueshme për principet dhe misionin e futbollit. Përsa më sipër, ditën e djeshme kemi njoftuar Federaten Shqiptare të Futbollit dhe Klubin e Futbollit Tirana për marrjen e masave të menjëhershme dhe heqjen e fjalëve të papërshtatshme në postimin e këtij grupimi.”-shkruhet në njoftim.
Rikujtojmë se në këtë takim Vllaznia vjen me 9 pikë duke u renditur në vendin e 4, teksa Tirana qëndron në vendin e 2 me 14 pikë, saç ka edhe Kukësi i vendit të parë./K.T/Gijotina.com
