Skuadra e Tiranës pësoi humbjen e parë sezonal teksa kjo disfatë erdhi në kupën e Shqipërisë përballë Dinamos në derbin e kryeqytetit. Bardheblutë u mundën 2-0 teksa do të synojnë përmbysjen e madhe ndeshjen e kthimit. Pas ndeshjes presidenti i skuadrës Refik Halali ka shigjetuar lojtarët për performancën e dobët.
“Të them të drejtën e kishin marrë shumë lehtë, mendoj se duhet të bënim si në ndeshjet e tjera, Duhet të zëmë mësim, siç kam thënë kampionati është i gjatë dhe duhet pasur kujdes. Kam parë skuadrën që nga kapiteni e me radhë që e kishin mare shumë lehtë, kujtuan se me Dinamon do luajnë me një skuadër të Kategorisë së Tretëm, por skuadrat janë një nivel. Mendoj se në ndeshjen e ardhshme do reagojmë dhe dy ndeshjet e tjera do i fitojmë si në kampionat dhe Kupë. E njoh shumë mirë skuadrën dhe e di çfarë duan’’, u shpreh Refik Halili.
Discussion about this post