Kombëtarja shqiptare e 19 vjeçarëve është zyrtarisht gati të nisë punën për ndeshjet kualifikuese të Kampionatit Europian 2022 që do të zhvillohen në vendin tonë nga datat 10-16 nëntor.
Ekipi i drejtuar nga tekniku shqiptar Armando Cungu është shortuar në grupin F, së bashku me Francën, Serbinë dhe Maqedoninë e Veriut.
Trajneri Cungu ka bërë publike ditën e sotme listën me 22 lojtarët e grumbulluar për këto tre ndeshje, 14 prej të cilëve aktivizohen në klube të huaja ndërsa 8 futbollistët e tjerë janë pjesë e kampionatit shqiptar.
Stafi kuqezi me në krye Armando Cungun, i cili është emëruar në fillim të vitit në krye të pankinës kuqezi, kanë zhvilluar disa seleksionime e grumbullime, si dhe disa ndeshje miqësore me kundërshtarë seriozë, duke pasur kështu mundësinë të shohin elementët që do të përfaqësojnë Shqipërinë në këtë kompeticion zyrtar
Skuadra do të nisë nga dita e dielë grumbullimin në Durrës, ku do të qëndrojë deri në fund të këtij kompeticioni. Ndeshja e parë e Kombëtares kuqezi do të jetë ajo ndaj Francës më 10 nëntor në stadiumin “Egnatia”, Rrogozhinë, ndërsa dy ndeshjet e tjera do të zhvillohen në stadiumin “Elbasan Arena” në Elbasan. Kuqezinjtë do të luajnë më 13 nëntor kundër Serbisë, ndërsa me 16 nëntor do të përballen me Maqedoninë e Veriut.
Më poshtë edhe lista me emrat e 22 lojtarëve të thirrur nga trajneri Armando Cungu për ndeshjet e Europianit:
Discussion about this post