Gjatë ditës së sotme, qytetarët e Ishmit kanë parë 5 avionë të vegjël duke fluturuar nga ora 11:00 deri në orën 14:00 pranë zonës Durrës-Lezhë dhe kjo gjë i ka alarmuar banorët pasi mendohej se mos transportonin drogë nga Shqipëria drejt vendeve fqinje.
Me anë të një njoftimi për media, Policia e Shtetit, ka sqaruar arsyen e prezencës së avionit të vogël që është parë duke fluturuar në zonën e Ishmit duke thënë se është kontraktuar nga Ministria e Bujqësisë, për vaksinimin e dhelprës së kuqe, nëpërmjet ushqimit nga ajri.
“Nga verifikimet e menjëhershme të kryera nga ana e Policisë së Shtetit, në bashkëpunim me kullën e monitorimit ajror në Rinas dhe me Drejtorinë e Aviacionit Civil, rezultoi se gjatë ditë së sotme kanë kryer fluturime me leje të regjistruara, në orare të ndryshme, 5 avionë të vegjël “kaçatorr”, me kohëzgjatje fluturimi deri në tre orë. Këta avionë janë të kontraktuar nga Ministria e Bujqësisë, për vaksinimin e dhelprës së kuqe, nëpërmjet ushqimit nga ajri”, thuhet në njoftimin e policisë.
Discussion about this post