Akuza për tentativë vrasje, arrestohen babë e bir (Detajet)

Dy shqiptarë 50 dhe 20 vjeç, babë e bir, janë arrestuar në Ariccia të Italisë, pasi akuzohen për vatrën penale ‘vrasje e mbetur në tentativë’, ndaj një shtetasi italian.

Mediat raportojnë se shtetasi italian kishte kërcënuar me thikë 50-vjeçarin shqiptar, të cilit i erdhi në ndihmë djali i tij, 20 vjeç.

Konflikti degradoi më tej, kur 20-vjeçari goditi me thikë shtetasin italian, 47-vjeçar, në gjoks. I plagosuri u transportua me urgjencë për në spital ku u nënshtrua një operacioni.

Menjëherë pas ngjarjes, policia italiane ka arrestuar dy shtetasit shqiptarë, babë e bir.