Juventusi dhe Roma përplasin forcat të dielën në orën 20:45 në “Allianz Stadium”. Një duel shumë i rëndësishëm për të dyja skuadrat. Bardhezinjtë synojnë të mbajnë ritmin dhe vijojnë sukseset teksa verdhekuqtë kërkojnë të shmangin një tjetër humbje pas asaj ndaj skuadrës së Lacios në derbi. Trajneri Allegri urdhëroi nje ndeshje miqësore ndaj modestëve të Kietit për të parë formën e lojtarëve teksa Juventusi fitoi 7-0.
Tek Roma, Murinjo e ka përgatitur ndryshe këtë ndeshje. Luzitani ka ngritur dronat në ajër për të korrigjuar çdo lëvizje të gabuar të lojtarëve të tij. “Lufta” taktike ndërmjet dy trajnerëve sapo ka filluar dhe të dielën na pret spektakli i vërtetë.
