“Fshesa” e rindërtimit ka vënë përpara banesat në rrugën “5 Maji”. Banorët përpara shtëpive që po iu shembeshin protestuan kundër këtij vendimi duke akuzuar Bashkinë e Tiranës për mungesë transparence.
Ato shprehen se përfaqësues të pushtetit lokal iu kanë kërkuar disa herë përgjatë muajve të fundit të lirojnë banesat e tyre pasi bazuar në VKM-në e post-tërmetin të 2019-ës, banesat e tyre do të shembeshin.
Por ky vendim nuk është pasur me një njoftim për vendstrehimin e tyre të ardhshëm dhe as për rimbursim të pronave që iu shembën.
Të shqetësuar banorët akuzojnë Bashkinë Tiranë se tërmeti nuk është arsyeja e vërtetë që pronat e tyrë u rrënuan, por sipas tyre pas këtyre vendimeve qëndron shfrytëzimi i truallit për ndërtim pallatesh.
