Jozefina Topalli ka reaguar pas vendimit të kryedemokratit për shkarkimin e Flamur Nokës si nënkryetar i Komisionit të Sigurisë, ku gjithashtu është paralajmëruar dhe përjashtimi nga Grupi i demokratëve. Përmes një postimi në Facebok ajo shkruan se, Basha merr vendime personale për partinë, duke e krahasuar atë me ish-dikatorin Enver Hoxha.
Topalli ironizon se në një kohë që e gjithë anëtarësia e partisë është ngritur për të shkarkuar Bashën, ky i fundit shkarkon Nokën.
“Luli paska përjashtuar prap me vendim personal sonte ne darke. Kësaj here radhën e kishte Flamur Noka, qe është rritur ne Partine Demokratike. E paska shpallur armik te brendshëm! Ne fakt e paska nderuar Flamurin. Shoku Enver bënte mbledhje byroje ne raste te tilla. Domethënë kur anëtarësia e Partisë është ngritur për të hequr Lulzimin, ky i fundit shkarkon Nokën. Edhe për pak kohe do këtë vulën. Gjate këtyre diteve do shpall edhe përjashtime të tjera… deri kur Kuvendi Kombëtar do i heq edhe vulën bashke me karrigen Lul Vules”, shkruan Topalli
Topalli është kritikja më e madhe e Bashës, që nga koha kur ky i fundit e hoqi atë nga listat e PD.
