Për situatën e krijuar në Partinë Demokratike, ka folur edhe ish-Presidenti i Shqipërisë dhe ish-deputeti i kësaj partie, Bamir Topi. Në një intervistë për mediat, Topi thotë se nuk është habi të ketë pazar Basha-Rama. Ai theksoi se Shqipërisë nga ana tjetër nuk i duhet bashkëqeverisje por bashkëpunim në parlament.
Sipas tij, Rama tashmë duhet të dorëzojë disa institucione pasi të gjitha janë në dorë të militantëve.
“Shqipëria ka nevojë për reforma që kërkohet prania dhe vota e opozitës. Kjo ka ndodhur në të kaluarën. Kur kërkohen 2/3 për Reformat ë rëndësishme. Ky është element i bashkëqeverisjes. Nëse kuptohej në ekzekutiv atëherë ky vend jo vetëm që ka një opozitë të dobët por riskon të mbetet pa opozitë. Do të shkonte në favor të Edi Ramës. Në formatin tim si politikan do të rekomandoja bashkëpunim në parlament. Rama duhet të dorëzojë shumë institucione, jo opozitës, por publikut. Sot institucionet janë në dorë të militantëve. Kemi mjaft raste që kanë punuar në OJQ dhe katapultohen në politikë” – ka thënë topi.
Bamir Topi gjithashtu ka mbështetur vendimin e Bashës për largimin e Berishës, pasi sipas tij kreu i opozitës ka ekzekutuar një porosi të SHBA-vë. Ai gjithashtu ka thënë se ky përjashtim nuk bie ndesh me statutin e Partisë Demokratike.
