Presidenti i SHBA, Joe Biden, ka dhënë sot një paralajmërim shumë të fortë. Në një deklaratë për mediat ai ka thënë se, do të ndërmerren sanksione personale ndaj Vladimir Putin nëse Rusia pushton Ukrainën. Biden tha se do të kishte “pasoja të mëdha” për botën nëse Rusia bën një lëvizje ndaj kombit, i cili ndodhet në kufirin e saj jugperëndimor.
“Do të kishte pasoja të mëdha nëse Presidenti rus Vladimir Putin do të hynte dhe do të pushtonte,Ukrainën, dhe do të ishte po ka keq për Rusinë, jo vetëm për sa i përket pasojave ekonomike dhe pasojave politike, por do të kishte pasoja të mëdha në mbarë botën. Kjo do të ishte – nëse ai do të hynte me të gjitha ato forca do të ishte pushtimi më i madh që nga Lufta e Dytë Botërore. Do të ndryshonte botën”, tha Biden.
Komentet e tij erdhën pasi udhëheqës të tjerë perëndimorë përsëritën paralajmërimet se Rusia do të paguante një çmim të rëndë në rast pushtimi. Rusia ka akuzuar SHBA-në dhe të tjerët për “përshkallëzimin e tensioneve” mbi këtë çështje dhe mohon planifikimin për të hyrë në Ukrainë.
Discussion about this post