Përfaqësuesi i Lartë i Bashkimit Evropian, Josep Borrell ka folur pas përfundimit të takimit në Bruksel mes kryeministrit të Kosovës, Albin Kurti dhe presidentit të Serbisë, Aleksandër Vuçiç.
Gjatë një konference për shtyp, Borrell u shpreh se të dy udhëheqësit shprehën gatishmëri për planin evropian dhe shtoi se mund të ketë një tjetër takim në muajin mars.
“Kanë shprehur gatishmërinë e tyre për implementimin e marrëveshjeve, por duhen ende negociata për të pasur një vendim për implementimin e modaliteteve specifike për marrëveshjet. Kjo do të thotë që angazhimi diplomatik do të vazhdojë dhe do të kemi një takim tjetër midis dy liderëve në mes të marsit, me qëllim për të finalizuar diskutimet dhe për të implementuar marrëveshjet.
Dua të them që BE ka rikujtuar të dyja palët për detyrimet që kanë nga marrëveshjet e mëparshme. Nga mesi i marsit, Miroslav Lajçak do duhet të shkojë sërish në Kosovë dhe Serbi, për t’i vizituar, për t’i ndjekur dhe për t’i përgatitur për takimin e radhës të nivelit të lartë”, theksoi ai.
Ndërkaq, presidenti i Serbisë, Aleksandër Vuçiç tha se ka pasur një takim të vështirë me kryeministrin e Kosovës, Albin Kurti, të hënën në Bruksel.
“Besoj se do të kemi shumë takime në periudhën e arshshme”, tha ai.
Kurti dhe Vuçic zhvilluan takimin e radhës në Bruksel, me ndërmjetësimin e shefit të politikës së jashtme të Bashkimit Evropian, Josep Borrell dhe të dërguarit të BE-së për dialogun Kosovë-Serbi, Miroslav Lajçak.
Discussion about this post