Armando Broja nuk udhëtoi drejt Shqipërisë për fazën përgatitore për shkak të një dëmtimi që pësoi me skuadrën e Southampton. FSHF nuk bëri njoftim zyrtar për mungesën e sulmuesit i cili është bashkuar vetëm ditën e sotme me pjesën tjetër të skuadrës. Futbollisti i talentuar nuk është në formën maksimale teksa edhe trajneri Edi Reja theksoi në konferencën për shtyp se nuk kishte siguri tek forma e lojtarit.
Broja është stërvitur normalisht me pjesën tjetër të skuadrës por pritet që ndaj Anglisë të aktivizohet disa minuta në pjesën e dytë nga stoli i rezervave. Edhe pse ka bërë gjithmonë paraqitje të mira me kombëtaren sa herë që është aktivizuar, Broja nuk e ka fituar ende vendin e titullarit tek kuqezinjtë.
Discussion about this post