Dhuna, Lyon merr vendimin drastik për tifozët

Dhuna e tifozëve në stadiume është kthyer në një nga temat më shqetësuese të kampionatit të Ligue 1.

Pas shishes së hedhur në drejtim të Dimitri Payet, një tjetër episod i shëmtuar ka ndodhur në Francë. Përplasja mes tifozëve çoi në pezullimin e ndeshjes së kupës së Francës, midis Lyon dhe Paris

Gjendur në një situatë të tillë  Federata Franceze e Futbollit dhe vetë klubet u detyruan të marrin masa drastike.

“Duhet të dimë kush janë dhe nga vijnë këta të çmendur”,- deklaroi i acaruar kreu i federatës Noël Le Graët.

Edhe Lyon, në një deklaratë për shtyp, të publikuar në mediat e saj, “dënon me vendosmërinë maksimale” incidentet e rënda në stadiumin “Charlety”.

Ndërsa më tej klubi ka bërë me dije se ka miratuar një masë paraprake, që konsiston në pezullimin e të gjitha udhëtimeve të organizuara për tifozët.

“Deri në njoftimin e mëtejshëm dhe derisa të hidhet dritë mbi identifikimin e fajtorëve, Olympique Lyonnais vendos të ndalojë grupet e tifozëve për ndeshjet jashtë”.-njofton Lyon./K.T/Gijotina.com