Një shpërthim me lëndë plasëse është regjistruar paraditen e sotme në zonën e Vaut të Dejës në Shkodër, në banesën e një 66-vjeçari, identiteti i të cilit nuk është bërë i ditur.
Sipas njoftimit, si pasojë e shpërthimit ka vetëm dëme të vogla materiale, ndërkohë që policia thotë se po punon dhe mbledh prova me qëllim zbardhjen e plotë të ngjarjes dhe kapjen e autorit/ëve.
“Rreth orës 11:00 jemi njoftuar se gjatë natës, në fshatin Stajkë, Vau i Dejës, në portën e rrethimit të jashtëm të banesës së shtetasit A. P., 66 vjeç, është vendosur një sasi e vogël lënde plasëse, e cila ka shpërthyer duke shkaktuar vetëm dëme materiale në portën e oborrit të banesës. Vijojnë veprimet hetimore në vendin e ngjarjes duke administruar çdo provë dhe duke vlerësuar çdo informacion, me qëllim zbardhjen e plotë të ngjarjes, identifikimin dhe kapjen e autorit/ëve”, njofton policia.
Discussion about this post