E rëndë në Delvinë / Familjarët gjejnë të varur në banesë 75-vjeçaren

Një ngjarje e rëndë ka ndodhur në Delvinë pasditen e sotme. Burime bëjnë me dije se një 75-vjeçare është gjetur e vetëvarur nga familjarët. E moshuara është gjetur pa shenja jete në oborrin e banesës.

Ajo është identifikuar me iniciale N. H., banuese në Delvinë. Nga këqyrja paraprake nuk janë konstatuar shenja dhune.

Pritet të zbardhen detaje pas ekspertizës mjekoligjore për të zbardhur shkaqet e ngjarjes. Dyshimet paraprake janë se, e moshuara vuante nga probleme të shëndetit mendor.

Pritet gjithashtu të zbardhen detaje lidhur me ngjarjen e rëndë, pas marrjes në pyetje në komisariat të familjarëve, identiteti i të cilëve për arsye hetimore nuk është bërë publik.

Grupi hetimor ndodhet në vendngjarje dhe po punon për zbardhjen e rrethanave të ngjarjes.