Operatori i Shpërndarjes së Energjisë Elektrike (OSHEE) njofton se ka zhvilluar sot dy ankande për blerjen e sasisë 44.400 MWh, e nevojshme për periudhën 13-17 Tetor.
Rezultatet përfundimtare të të dy ankandeve të ditës së sotme janë: nga sasia e kërkuar prej 44,400 MWh, u sigurua sasia 24,920 MWh me çmim mesatar 258.47 Euro/ MWh (rreth 6.4 milionë Euro.)
Ditën e sotme, administratorja e kompanisë FTL, Erina Rexhepi, foli për mediat, e cila sqaroi vetëm procedurën që ndiqet për blerjen e energjisë elektrike dhe jo arsyen se pse energjia blihet me çmim të shtrenjtë.
“Platforma IT online e cila bën automatikisht vlerësimin e ofertave mbi kriterin e çmimit më të ulët dhe plotësimit të sasisë së kërkuar për t’u blerë. Me qëllim rritjen e sasive të ofruara dhe mundësisë së uljes së çmimit mund të realizohen faza optimizimi. Ankandi u zhvillua në 3 faza (oraret 12:00-13:00-14:00), përmes platformës online. Renditja fillestare e ofertave që bëhet automatikisht nga platforma online, u ndoq nga media. Në procedurë morën pjesë 10 shoqëri vendase dhe të huaja dhe rezultoi se u sigurua më pak se gjysma e sasisë së energjisë së kërkuar, me çmim mesatar 255.79 Euro/ MWh. (rreth 4.9 milionë Euro. Furnizuesi i Tregut të Lirë SH.A sqaron se për plotësimin e sasisë së energjisë së kërkuar u zhvillua një ankand i dytë, në të cilën gjithashtu nuk u arrit të sigurohej sasia e energjisë së kërkuar. Pavarësisht zhvillimit të dy ankandeve, nuk u arrit të sigurohej sasia e kërkuar” – është shprehur Rexhepi.
Pra në Bursën Hungareze çmimi i energjisë në pik për këtë të hënë (11 tetor) ishte 227.18 euro MWh me një ulje të lehtë në raport me datën 10 tetor 2021. Vlera më ulët është 192.71 euro MWh. Çmimi mesatar për të dyja ditët u luhatet në 210 euro/MWh. Që do të thotë se çmimi i energjisë është vendosur më shtrenjtë se çmimi që në bursë.
