Christian Eriksen po tundohet për një rikthim të mundshëm në Ajax, ku ai mund të luajë me një defibrilator të vendosur në zemër raporton ‘Il Corriere dello Sport’.
29-vjeçarit nuk ka gjasa që t’i jepet drita jeshile për të luajtur sërish në Serie A, pasi iu implantua një defibrilator në zemër.
Eriksen u rrëzua në fushë gjatë ndeshjes Danimarkë-Finlandë në ‘Euro 2020’ dhe iu dha ndihma e parë që i shpëtoi jetën në fushë.
Në Itali, është e ndaluar të luhet me një defibrilator të implantuar të zemrës, sipas protokollit të Komitetit Organizativ Kardiologjik për Fitnes Sportiv, i cili u përditësua në vitin 2017.
Autoritetet italiane nuk lejojnë të luajnë asnjë sport personat me një problem të tillë, pasi çdo kontakt ose goditje mund të thyejë pajisjen e vendosur për funksionimin e zemrës.
Eriksen ka ende një shans për të luajtur në Itali, por mjekët duhet të vërtetojnë se ajo e tija është sëmundje të përkohshme.
Eriksen mund të vazhdojë të luajë në kampionate të tjera evropiane, të tilla si Erediviese, ku mbrojtësi i Ajax-it dhe Holandës, Daley Blind luan edhe pse ka një shqetësim të tillë.
Interi nuk pret të marrë ndonjë pagesë për Eriksen, por largimi i tij do t’i lejonte kampionët e Serie A të kursejnë pagën e tij prej 7.5 milionë euro në vit.
Çdo vendim do të merret së bashku me lojtarin dhe agjentët e tij, me të cilët Interi ka marrëdhënie të shkëlqyera./K.T/Gijotina.com
